ni neure gorputza izanez naiz

Lokartuta dago nire gorputza, ni neu lokartuta nago. Bularra ez dut ia sentitzen, arnasa eteten zait eta nire soina osotzen duen gihar bakoitza zurrundurik, erabat uzkurtuta nago. Zerbait gaizki dago, honela ezin jarraitu. Kontzienteki arnasa hartzen hasten naiz, airea nola sudurretik sartzen den somatuz, eztarritik behera, bularra zabalduz; sahietsak nola zabaltzen diren somatzen dut, gorputz-enborra handituz eta zailtasunez birikiak puztuz, aire epel arrasto bat jeisten ari zait sabela bete arte, segundu batzuz eusten dut eta husten naiz. Errepikatzen dut. Ez dut nire burua behartzen, hor eusten dut. Une batera ezker oineko biharren behatza mugiarazten dudala dakusat. Hasiera baino ez da hau.

“Lehendabizi ulertu behar izan nuena izan zen, neure gorputza naizela, eta ez gorputz bat daukadala. Ni neure gorputza banaiz, eta nire gorputza neu banaiz, hortaz, honek nor naizen adierazten du, lehen jabetu gabe, eta orain geroz eta kontzienteago. Pertsonok geure gorputzak gara. ni neure gorputza izanez naiz”

FITXA ARTISTIKOA

Ideia eta zuzendaritza: Ander Fernández

Zuzendari-laguntzailea: Aiala Echegarai

Laguntza artistikoa: Isabela Rossi eta Miguel González Padilla

Interpretea: Ander Fernández

Artista plastikoa: David Rivas Fernández

BIO

Ander Fernandez (Bilbo, 1989), antzezgizona eta Gestalt terapian aditua. Mariemma erret dantza kontserbatorio profesionalean dantza garaikidea ikasi ostean Bilbora itzuli zen, hezkuntzaruntz bere arreta bideratuz, bai eta haurtzaroan indarkeria edota sexu-abusuak pairatu dituzten helduak laguntzen. Gaur egun “Ni nire gorputza izaten naiz” proiektuaren sormen prozesuan murgilduta dago.

David Rivas, DARIFÉ – Marrazkilaria eta modeloaren arteko harremana.

Nola aldatzen da norbaiten bizitza, musa bilakatzerakoan? Ba al dauka musak artistaren pentsaeran eragiteko ahalmena, inspirazio iturri izateaz gain? Honelako galderei egiten diete aurre arte ikerlariek gertakari hau aztertzerakoan. Egia esan, nolabaiteko antza dauka honek gure aurrean ditugun pertsona biekin; artista bi direla ahaztu barik. Honez gero, musa adeitsu eta otzanaren estereotipotik urrundu behar dugu, hau ahalbide guztidun bezala aurkeztuz, artista plastikoaren lanarengan erabateko eragin zuzena egiazta dezakeena, bere gorputz adierazpen eta dantza lanaren bitartez, berea den proiektu batean ere barneratu arte.