Nagore Tamayo Goñi

Nondik abiatu inora

Zaila da zerbait iraunkorra eta egonkorra irudikatzea behin-behineko egoera batean.

Ordea, inertziaren dinamikatik irteteko

beharrezkoa da geldiunea.

Geldiunea elkarri begiratzeko. 

Elkarrengana gerturatzeko 

ausardiaz betetzeko.

Ez-egonkortasunean zerbait egonkorra 

eraikitzeko konpromezua hartzeko. 

Egon ezin daitekeenean ere

hor egoteko moduak

asmatzen saiatu ahal izateko.

 

BIO

Nagore Tamayo Goñi (Tolosa, 2000). Koreografia eta Interpretazioan graduatua, Euskadiko Arte Dramatiko eta Dantza Goi-Mailako Eskolan (Dantzerti), L a Faktoria Choreograpic Centerren jarraitzen du bere garapen profesionala (Iruñea). Proiektu ezberdinetan interprete bezala lan egin bitartean, ikuspegi eta lengoaia propioak esploratu asmoz abiatzen du Nondik Abiatu Inora, Dantzan Bilakan garatuko duen proiektua.

MATERIALAK

Gaur eguna zabaltzen zaigu

parez pare

Poliki hedatzen da

etxeetara

kaleetara

eta harrituta 

begiratzen diogu

geure garai honi

guri ez dagokigun 

zerbaiti bezala

Nola ulertu ezinegona

mina

miseria

Zeri heldu 

heldulekurik ez daukanak

Nondik abiatu inora

Galderek bilatu eta aurkitu

egiten gaituzte

eta susmoa da

ezingo ditugula 

erantzun gabe utzi. 

| Paul Beitia

 

http://93.189.90.121/posts/Maiatzaren-Lehena

Scroll up