Jardunaldiak

Dantza Bilaka etengabe eraldatuz doan programa bat da, esperientziak alderatu eta sorkuntza-lan koreografikoen aniztasun prozesuak partekatzeko esparru bat zabaltzeko desiraz jaioa. Honek, ideien eta hizkuntzen aniztasuna indartu, eta era horretan Euskal Herriko koreografia-jarduna sustatzea du xedea

Programa honek elkarrizketa erraztuko duen lan-testuinguru bat nahi du eskaini, parte hartzeko hautatuak izan diren pertsonen sorkuntza-
prozesuak bultzatzeko, laguntzeko eta ikusarazteko asmoz.

Edizio hau, Tabakalera Kultura Garaikidearen Nazioarteko Zentroan eramango da aurrera eta deialdi honetan hautatuak izan direnen aurkezpen-programa bat eskainiko dugu bertan. Hautatutako artistek, TABAKALERAko espazioetan, beraien sorkuntza koreografikoko lanak erakutsiko dituzte formatu anitzetan.

Dantzan Bilakaren jarduerak urte osoan zehar luzatzen dira, eta azken jardunaldi hauetan ikusiko diren parte-hartzaileen aurkezpenekin ixten dira.

Azken bi urteetan, programak aldaketa garrantzitsuak izan ditu, programaren helburuei buruzko hausnarketa luzeen ondorioz. Ildo horretan, programaren aldaketa nagusietako bat hautatutako pertsonei ematen zaien laguntza ekonomikoari dagokio: aurrerantzean ezinbestekoa izango da programaren jarduera guzti-guztietan parte hartzea laguntza hori jasotzeko. Hori dela eta, 2022an, parte-hartzaileek bi arte-egonaldi trinko egin dituzte beren prozesuetan sakontzeko: bata Tabakaleran eta bestea AZALA Kreazio Espazioan. Egonaldi bakoitzak astebeteko iraupena izan du.

Egonaldi horietan, tailer hauek egin ahal izan dituzte: Ion Munduateren “Une bat… Play, Work eta Sport” eta Elisabete Fingerren “Materia xarmatzeko praktikak + koru ikasketak”. Gainera, DBren batzorde artistikoaren (Maia Villotek eta Ibon Salvadorrek osatua) bide-laguntza izan dute. Horren guztiaren osagarri, beren prozesuetan kontzentratu eta sakontzeko entsegu guneak erabili dituzte.

Hirugarren aldi batean, parte-hartzaileek egoitza tekniko bat izan dute Dantzagunean eta Lekuona Fabrikan, bertan, urriko jardunaldietan aurkezten diren materialetan azken doikuntzak egiteko aukera izan dutelarik.

Batzorde artistikotik uste dugu aldaketa horiek funtsezkoak izan direla programa honen jarraipen proposamenetan, eta are gehiago hurbildu dutela bere helburuetara. Antzematen dugu benetako espazio bat ireki dela, non parte-hartzaileek esperientziak, prozesu artistikoak eta bizi-esperientziak partekatzeko aukera izan duten, etorkizunean oihartzunak eragingo dituen komunitate artistiko batean murgildu direlarik.

Hamaseigarren edizio honetan, urtean zehar garatutako prozesu artistikoak erakutsiko dituzte Leire Amonarrizek, Iratxe Bilbaok, Amaia Cabero-SAIZARek, Victor FernÁndezek, Atic H. DEBak, QABALUMek eta TORak.

Sorkuntza-lan koreografikoko hiru egun hauek gozatuko dituzuela espero dugu, eta elkarrekin partekatu ahal izango ditugula denontzat aberasgarriak izango diren esperien-tziak.

Dantzan Bilaka 2022ren Koordinazio-taldea

No posts were found for provided query parameters.

Scroll up